ವಿವೇಕಾನಂದ ಶಿಕ್ಷಣ ಮಹಾವಿದ್ಯಾಲಯದಲ್ಲಿ  27.04.2022 ರಂದು ಪ್ರತಿಭಾ ದಿನಾಚರಣೆ ಕಾರ್ಯಕ್ರಮ ನಡೆಯಿತು. ಈ ಕಾರ್ಯಕ್ರಮಕ್ಕೆ ಮುಖ್ಯ ಅತಿಥಿಯಾಗಿ ಗೀತಾ ಸಾಹಿತ್ಯ ಸಂಭ್ರಮ ಕಾರ್ಯಕ್ರಮದಿಂದ ಮನೆ ಮಾತಾದ ವಿಠಲ್ ನಾಯಕ್ ಆಗಮಿಸಿ, ಶಿಕ್ಷಕ ವೃತ್ತಿ ಎಂದರೆ ಅತೀ ಶ್ರೇಷ್ಠವಾದ ವೃತ್ತಿ ಮತ್ತು ಅದು ಜೀವಂತ ವ್ಯಕ್ತಿಗಳೊಂದಿಗೆ ಮಾಡುವ ಕೆಲಸ ಎಂದರು. ಶಿಕ್ಷಣವೆಂಬುದು ಮೊದಲು ಮನೆಯಿಂದಲೇ ಆರಂಭವಾಗುತ್ತದೆ ಶಾಲೆಯಿಂದಲ್ಲ. ಜೀವನ ಪರೀಕ್ಷೆಯಿಂದ ನಿಜವಾದ ಜೀವನ ಪಾಠ ಕಲಿಯುತ್ತೇವೆ ಎಂದು ಹೇಳಿದರು. ಪ್ರತಿಯೊಬ್ಬರಿಗೂ ಒಂದಲ್ಲ ಒಂದು ಹವ್ಯಾಸ ಎಂಬುದು ಇದ್ದೇ ಇರುತ್ತದೆ ಅದನ್ನು ಬೆಳೆಸಿಕೊಂಡು ಹೋಗಬೇಕು ಎಂದು ನುಡಿದರು.

ಕಾರ್ಯಕ್ರಮದ ಅಧ್ಯಕ್ಷತೆ ವಹಿಸಿದ, ಆಡಳಿತ ಮಂಡಳಿ ಕೋಶಾಧಿಕಾರಿ ಅರವಿಂದ ವಳಕಟ್ಟೆ ಪ್ರತಿಯೊಬ್ಬರೂ ಒಂದಲ್ಲ ಒಂದು ಪ್ರತಿಭೆಯಿರುತ್ತದೆ ಅದನ್ನು ಹೊರ ಹಾಕಬೇಕು. ಶಿಕ್ಷಕರಾದ ನಂತರ ಅದನ್ನು ಬಳಸಿಕೊಂಡು ಪಾಠಮಾಡಬೇಕು ಉತ್ತಮ ವಿದ್ಯಾರ್ಥಿಗಳನ್ನು ಸೃಷ್ಟಿಸಬಹುದು ಎಂದರು.

ಕಾರ್ಯಕ್ರಮಕ್ಕೆ ವಿವೇಕಾನಂದ ಶಿಕ್ಷಣ ಮಹಾವಿದ್ಯಾಲಯದ ಪ್ರಾಂಶುಪಾಲ ಡಾ. ಶೋಭಿತ ಸತೀಶ್ ಸ್ವಾಗತಿಸಿ, ಉಪನ್ಯಾಸಕಿ ಭುವನೇಶ್ವರಿ ಎ.ಎನ್ ವಂದಿಸಿದರು. ಪ್ರಥಮ ವರ್ಷದ ಪ್ರಶಿಕ್ಷಣಾರ್ಥಿ ದೀಪ್ತಿ.ಕೆ ಕಾರ್ಯಕ್ರಮವನ್ನು ನಿರೂಪಿಸಿದರು. ಪ್ರಥಮ ವರ್ಷದ ವಿದ್ಯಾರ್ಥಿಗಳಿಂದ ಸಾಂಸ್ಕೃತಿಕ ಕಾರ್ಯಕ್ರಮಗಳು ನಡೆಯಿತು.